<h2>الاسترجاع والاستبدال</h2>
<p>الشروط دي بتطبّق على كل الطلبات من citymarteg.com.</p>

<h2>غيّرت رأيك؟ عندك ١٤ يوم</h2>
<p>تقدر ترجّع أي منتج خلال ١٤ يوم من يوم استلامه من غير ما تقول السبب، بشرط إنه ما يكونش اتستخدم ويرجع
بالتيكت والتغليف الأصلي. مصاريف الإرجاع بتتخصم من المبلغ اللي هيترد لك: ٦٥ جنيه للقاهرة والجيزة،
٩٥ جنيه للإسكندرية والدلتا والقناة، ١٢٠ جنيه للصعيد والمناطق البعيدة، وده حتى لو كان التوصيل مجاني.</p>

<h2>المنتج فيه عيب أو مش اللي طلبته؟ عندك ٣٠ يوم من غير مصاريف</h2>
<p>لو المنتج وصلك فيه عيب، أو مش اللي طلبته، أو مش مطابق للوصف، بلّغنا خلال ٣٠ يوم من الاستلام. هنرتّب إرجاعه
من غير أي مصاريف عليك، ونبدّله أو نرجّعلك تمنه كامل.</p>

<h2>منتجات بترجع وهي مقفولة بس</h2>
<ul>
<li>العطور والمكياج: لو السلوفان أو الختم سليم.</li>
<li>الملابس الداخلية والشرابات ولبس البحر: في تغليفها الأصلي المقفول.</li>
<li>السماعات اللي بتدخل الودن (In-ear): وهي مقفولة.</li>
</ul>
<p>لو أي منتج من دول فيه عيب أو مش اللي طلبته، بيترجع خلال ٣٠ يوم حتى لو اتفتح.</p>

<h2>الساعات: ضمان ١٢ شهر</h2>
<p>الساعات عليها ضمان ١٢ شهر من يوم استلامها. لو الساعة ظهر فيها عيب خلال المدة دي، كلّمنا على واتساب 01144700216 وابعت رقم الطلب، وفريقنا هيتابع معاك.</p>

<h2>الأكل</h2>
<p>الأكل اللي ممكن يبوظ مش بيترجع. لو وصلك تالف أو بايظ أو مش اللي طلبته، كلّمنا أول ما تستلمه وهنبدّله أو
نرجّعلك تمنه. المنتجات المقفولة اللي مش بتبوظ بسرعة، زي القهوة المعبأة، بتطبّق عليها قاعدة الـ ١٤ يوم.</p>

<h2>رد الفلوس</h2>
<p>بنرجّعلك الفلوس خلال ٧ أيام من استلامنا للمنتج المرتجع. لو دفعت أونلاين، الفلوس بترجع بنفس طريقة الدفع. لو
دفعت كاش عند الاستلام، بنحوّلها لك على إنستاباي أو محفظة موبايل على الحساب اللي تختاره.</p>

<h2>رفض الشحنة عند الاستلام</h2>
<p>لو رفضت الشحنة مع المندوب، مش هتدفع أي حاجة. ولو عميل رفض طلبين، ممكن نطلب منه يدفع مصاريف الشحن مقدماً
في الطلبات الجاية، والمصاريف دي مش بترجع لو الطلب اترفض تاني.</p>

<h2>إزاي ترجّع طلب</h2>
<p>كلّمنا على واتساب 01144700216 وابعت رقم الطلب، وإحنا هنرتّب استلام المنتج مع شركة الشحن.</p>