الأسئلة الشائعة

أقدر أشم العطر قبل ما أشتريه؟

أيوه. العطور متوفرة للتجربة في فرع الجو باص — تعالى وشم اللي عاجبك على راحتك. مفتوح 24 ساعة، 7 أيام في الأسبوع.

لو المنتج مش زي الصور؟

لو المنتج وصلك مختلف عن الصورة أو الوصف، تقدر ترجّعه خلال 30 يوم من غير مصاريف.

لو مش عجبني بعد ما استلمته؟

تقدر ترجّع معظم المنتجات خلال 14 يوم. كلمنا على واتساب 01144700216 ونظبطهالك. التفاصيل الكاملة في صفحة الاسترجاع والاستبدال.

هدفع إمتى؟

لما الطلب يوصلك، كاش للمندوب.

التوصيل بياخد قد إيه؟

على حسب منطقتك. مدة التوصيل والمصاريف موضحة في صفحة الشحن والتوصيل.

انتوا مين؟

سيتي مارت شركة مصرية مسجلة — City Mart Trading Co. L.T.D. — شغالة في القاهرة من 1956، وعندنا فرعين.

هل الأجهزة المنزلية عليها ضمان؟

أيوه، أجهزة سوناي المنزلية عليها ضمان سنتين.

أقدر أرجّع جهاز منزلي؟

لو غيّرت رأيك، رجّعه والكرتونة مقفولة خلال 14 يوم. ولو فيه عيب، تقدر ترجّعه خلال 30 يوم.

الساعات عليها ضمان؟

أيوه، الساعات عليها ضمان 12 شهر. لو عندك أي مشكلة في الساعة، كلمنا على واتساب 01144700216 وفريقنا هيساعدك.

أقدر أرجّع العطر؟

العطر بيترجع بس وهو متغلّف، والختم أو السلوفان سليم. ولو وصلك فيه عيب أو غلط، تقدر ترجّعه خلال 30 يوم من غير مصاريف حتى لو اتفتح. التفاصيل الكاملة في صفحة الاسترجاع والاستبدال.

أقدر أستلم طلبي من الفرع؟

أيوه، طلبات الموقع بتتستلم من فرع الجو باص بس: 228 المخيم الدائم، الحي السادس، مدينة نصر، القاهرة. الفرع مفتوح 24 ساعة.